2016 jylǵy 28 qańtar, Almaty qalasy
Uıymdastyrylǵan jáne uıymdastyrylmaǵan baǵaly qaǵazdar rynogynda jasalǵan baǵaly qaǵazdarmen jáne ózge de qarjy quraldarymen mámilelerdi aıla-sharǵy jasaý maqsatynda jasaldy dep taný, qor bırjasynyń saraptamalyq komıtetin jasaqtaý jáne onyń jumys jasaý qaǵıdalaryn, sondaı-aq onyń sandyq quramyn bekitý týraly
«Baǵaly qaǵazdar rynogy týraly» 2003 jylǵy 2 shildedegi Qazaqstan Respýblıkasynyń Zańyna sáıkes Qazaqstan Respýblıkasy Ulttyq Bankiniń Basqarmasy qaýly etedi:
1. Qosa berilip otyrǵan Uıymdastyrylǵan jáne uıymdastyrylmaǵan baǵaly qaǵazdar rynogynda jasalǵan baǵaly qaǵazdarmen jáne ózge de qarjy quraldarymen mámilelerdi aıla-sharǵy jasaý maqsatynda jasaldy dep taný, qor bırjasynyń saraptamalyq komıtetin jasaqtaý jáne onyń jumys jasaý qaǵıdalary, sondaı-aq onyń sandyq quramy bekitilsin (budan ári - Qaǵıdalar).
2. «Uıymdastyrylǵan jáne uıymdastyrylmaǵan baǵaly qaǵazdar naryqtarynda jasalǵan mámilelerdi aıla-sharǵy jasaý maqsatynda jasalǵan dep taný, qor bırjasynyń saraptamalyq komıtetin qurý jáne onyń jumys isteý qaǵıdalaryn, sondaı-aq onyń sandyq quramyn bekitý týraly» Qazaqstan Respýblıkasy Ulttyq Banki Basqarmasynyń 2014 jylǵy 23 sáýirdegi № 70 qaýlysynyń (2014 jylǵy 6 maýsymda Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 9488 tirkelgen, 2014 jylǵy 4 shildede «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde jarııalanǵan) kúshi joıyldy dep tanylsyn.
3. Baqylaý jáne qadaǵalaý ádisnamasy departamenti (Ábdirahmanov N.A.) Qazaqstan Respýblıkasynyń zańnamasynda belgilengen tártippen:
1) Quqyqtyq qamtamasyz etý departamentimen (Sársenova N.V.) birlesip osy qaýlyny Qazaqstan Respýblıkasynyń Ádilet mınıstrliginde memlekettik tirkeýdi;
2) osy qaýlyny «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna:
Qazaqstan Respýblıkasynyń Ádilet mınıstrliginde memlekettik tirkelgeninen keıin kúntizbelik on kún ishinde «Ádilet» aqparattyq-quqyqtyq júıesinde resmı jarııalaýǵa;
Qazaqstan Respýblıkasynyń Ádilet mınıstrliginde memlekettik tirkelgennen keıin ony Qazaqstan Respýblıkasynyń Ulttyq Banki alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń memlekettik tizilimine, Qazaqstan Respýblıkasy normatıvtik quqyqtyq aktileriniń etalondyq baqylaý bankine engizýge jiberýdi;
3) osy qaýly resmı jarııalanǵannan keıin ony Qazaqstan Respýblıkasy Ulttyq Bankiniń resmı ınternet-resýrsyna ornalastyrýdy qamtamasyz etsin.
4. Halyqaralyq qatynastar jáne jurtshylyqpen baılanys departamenti (Qazybaev A.Q.) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde merzimdi baspasóz basylymdarynda resmı jarııalaýǵa jiberýdi qamtamasyz etsin.
5. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary O.A. Smolıakovqa júktelsin.
6. Osy qaýly 2016 jylǵy 1 qazannan bastap qoldanysqa engiziledi jáne resmı jarııalanýǵa jatady.
Ulttyq Bank Tóraǵasy D.AQYShEV
Qazaqstan Respýblıkasy Ulttyq Banki Basqarmasynyń
2016 jylǵy 29 qańtardaǵy № 13 qaýlysymen bekitilgen
Uıymdastyrylǵan jáne uıymdastyrylmaǵan baǵaly qaǵazdar rynogynda jasalǵan baǵaly qaǵazdarmen jáne ózge de qarjy quraldarymen mámilelerdi aıla-sharǵy jasaý maqsatynda jasaldy dep taný, qor bırjasynyń saraptamalyq komıtetin jasaqtaý jáne onyń jumys jasaý qaǵıdalary, sondaı-aq onyń sandyq quramy
1. Osy Uıymdastyrylǵan jáne uıymdastyrylmaǵan baǵaly qaǵazdar rynogynda jasalǵan baǵaly qaǵazdarmen jáne ózge de qarjy quraldarymen mámilelerdi aıla-sharǵy jasaý maqsatynda jasaldy dep taný, qor bırjasynyń saraptamalyq komıtetin jasaqtaý jáne onyń jumys jasaý qaǵıdalary, sondaı-aq onyń sandyq quramy (budan ári – Qaǵıdalar) «Baǵaly qaǵazdar rynogy týraly» 2003 jylǵy 2 shildedegi Qazaqstan Respýblıkasynyń Zańyna (budan ári – Baǵaly qaǵazdar rynogy týraly zań) sáıkes ázirlendi jáne Qazaqstan Respýblıkasynyń uıymdastyrylǵan jáne uıymdastyrylmaǵan baǵaly qaǵazdar naryqtarynda baǵaly qaǵazdarmen jáne ózge de qarjy quraldarymen jasalǵan mámilelerdi aıla-sharǵy jasaý maqsatynda jasaldy dep taný tártibin jáne talaptaryn, sondaı-aq baǵaly qaǵazdarmen jáne ózge de qarjy quraldarymen jasalǵan mámilelerdi aıla-sharǵy jasaý maqsatynda jasaldy dep taný máselelerin qaraý maqsatynda qurylǵan qor bırjasynyń saraptamalyq komıtetin jasaqtaý jáne onyń jumys jasaý tártibin, sondaı-aq onyń sandyq quramyn belgileıdi.
2. Baǵaly qaǵazdarmen mámile dep, eger:
1) uıymdastyrylǵan baǵaly qaǵazdar naryǵynda aksııalarmen mámile jasaǵan kezde aksııalarmen jasalǵan osy mámile baǵasynyń osy aksııalardyń, Qaǵıdalardyń 4-tarmaǵyna sáıkes eseptelgen ortasha alynǵan baǵasynan aýytqýy 30 (otyz) jáne odan astam paıyz qurasa;
2) uıymdastyrylǵan baǵaly qaǵazdar naryǵynda oblıgasııalarmen, memlekettik emıssııalyq baǵaly qaǵazdarmen mámile jasaǵan kezde osy mámileniń baǵasyna sáıkes osy oblıgasııalardyń óteletin kiristiliginiń Qaǵıdalardyń 5-tarmaǵyna sáıkes eseptelgen ortasha alynǵan naryqtyq kiristiliginen aýytqýy 5 (bes) jáne odan kóp paıyzdyq tarmaqty qurasa, osyndaı mámileni jasaǵanǵa deıin uıymdastyrylǵan baǵaly qaǵazdar naryǵynda osy baǵaly qaǵazdarǵa qalyptasqan baǵadan aıtarlyqtaı ózgeshelenetin baǵa boıynsha jasalǵan mámile tanylady.
3. Oryndalýy osy mámilelerdiń taraptaryndaǵy osyndaı baǵaly qaǵazdar sanynyń eleýli ózgerýine ákep soqtyrmaǵan baǵaly qaǵazdardy satyp alý-satýdyń mynadaı mámileleri aıla-sharǵy jasaý maqsatynda jasaldy dep tanylmaıdy:
1) qor bırjasynyń saýda júıesiniń osyndaı operasııalarǵa arnalǵan sektorynda júzege asyrylatyn sol bir «repo» operasııasyna jatatyn «repony» ashý jáne jabý mámileleri;
2) birdeı kólemdegi jáne sol baǵaly qaǵazdarmen jasalǵan eki mámile, olardyń ekinshisi uıymdastyrylǵan naryqta osy mámilelerdiń birinshisin jasaǵan kezde jiberilgen tehnıkalyq qateni túzetý maqsatynda jasalǵan bolsa;
3) myna talaptarǵa nemese myna talaptardyń bireýine sáıkes keletin, qor bırjasynyń saýda júıesinde baǵaly qaǵazdarmen ashyq saýda-sattyq ádisimen jasalǵan mámileler:
mámile jasalǵan kúniniń aldyndaǵy sońǵy 30 (otyz) jumys kúni ishinde, biraq osy kezeńniń keminde 10 (on) jumys kúni ishinde osy ataýdaǵy baǵaly qaǵazdarmen qor bırjasynyń keminde 10 (on) múshesi taraptary bolyp tabylatyn, jıyntyq kólemi 50 000 000 (elý mıllıon) teńgeden kem emes, keminde 20 (jıyrma) mámile jasalǵan;
mámile jasalǵan sátte osy baǵaly qaǵazdar osy qor bırjasynda aınalysqa jiberilgen eń ótimdi aksııalardyń baǵasy boıynsha qor bırjasynyń ishki qujattaryna sáıkes esepteletin qor bırjasy ındıkatorynyń (ındeksiniń) ókildik tizimine engizilgen.
Osy tarmaqtyń maqsattary úshin baǵaly qaǵazdar sanynyń eleýli ózgerýi bolyp mámileler taraptaryndaǵy baǵaly qaǵazdardyń bastapqy sanynan 10 (on) jáne odan kóp paıyzǵa aıyrmashylyǵy tanylady.
4. Aksııalardyń ortasha alynǵan naryqtyq baǵasy qor bırjasy sońǵy ótken 5 (bes) jumys kún ishinde ashyq saýda ádisimen ótkizgen saýda-sattyqtarda aksııalarmen (aqshalaı) jasalǵan mámilelerdiń jıyntyq kóleminiń osyndaı mámilelerdiń jıyntyq mólsherine (baǵaly qaǵazdarmen) qatynasy retinde esepteledi (Qaǵıdalardyń osy tarmaǵynyń ekinshi jáne úshinshi bólikterinde belgilengen erekshelikterdi eskere otyryp).
Eger kórsetilgen kezeń ishinde aksııalarmen jasalǵan mámileler sany 5 (besten) kem bolsa, osy aksııalardyń ortasha alynǵan naryqtyq baǵasy qor bırjasy sońǵy ótken kúntizbelik 60 (alpys) kún ishinde ashyq saýda ádisimen ótkizgen saýda-sattyqtarda osy aksııalarmen (aqshalaı) jasalǵan sońǵy 5 (bes) mámileniń jıyntyq kóleminiń mundaı sońǵy 5 (bes) mámileniń (baǵaly qaǵazdarmen) jıyntyq mólsherine qatynasy retinde esepteledi.
Eger sońǵy ótken kúntizbelik 60 (alpys) kún ishinde aksııalarmen jasalǵan mámilelerdiń sany 5 (besten) kem bolsa, onda osy aksııalardyń ortasha alynǵan naryqtyq baǵasy eseptelmeıdi.
5. О́teletin oblıgasııalardyń ortasha alynǵan naryqtyq kiristiligi myna formýla boıynsha esepteledi:
,
munda:
Y - óteletin oblıgasııalardyń ortasha alynǵan naryqtyq kiristiligi, jyldyq paıyzben;
Yi - osy oblıgasııalarmen jasalǵan i-shi mámileniń baǵasyna sáıkes óteletin oblıgasııalardyń kiristiligi, jyldyq paıyzben;
Vi - oblıgasııalarmen jasalǵan i-shi mámileniń kólemi, aqshalaı;
n - qor bırjasy sońǵy ótken 5 (bes) jumys kún ishinde ashyq saýda ádisimen ótkizgen saýda-sattyqtarda oblıgasııalarmen jasalǵan mámileler sany.
Eger sońǵy ótken bes jumys kún ishinde oblıgasııalarmen jasalǵan mámileler sany 5 (besten) kem bolsa, qor bırjasy sońǵy tolyq ótken kúntizbelik 60 (alpys) kún ishinde ashyq saýda ádisimen ótkizgen saýda-sattyqtarda oblıgasııalarmen jasalǵan mámileler sany 5 (bes) jáne odan astamyn quraý talabymen, n 5 (beske) teń bolady.
Eger sońǵy tolyq ótken kúntizbelik 60 (alpys) kún ishinde oblıgasııalarmen jasalǵan mámilelerdiń sany 5 (besten) kem bolsa, osy óteletin oblıgasııalardyń ortasha alynǵan naryqtyq kiristiligi eseptelmeıdi.
6. Baǵaly qaǵazdar naryǵy týraly zańynyń 56-babynyń 5-tarmaǵynda atalǵan talaptardyń bireýine sáıkes keletin mámilelerdi qospaǵanda, uıymdastyrylǵan nemese uıymdastyrylmaǵan baǵaly qaǵazdar naryqtarynda aıla-sharǵy jasaý maqsatynda jasalǵan baǵaly qaǵazdarmen mámilelerdi anyqtaý máni boıynsha mynadaı mámileler monıtorıngke jáne taldaýǵa jatady:
1) Qaǵıdalardyń 2-tarmaǵynda kózdelgen mámile;
2) qor bırjasynyń saýda júıesinde nemese uıymdastyrylmaǵan baǵaly qaǵazdar naryǵynda jasalǵan, derbes ne qarjy naryǵyn jáne qarjy uıymdaryn retteý, baqylaý men qadaǵalaý jónindegi ýákiletti memlekettik organnyń (budan ári - ýákiletti organ) brokerlik jáne (nemese) dılerlik qyzmetti júzege asyrýǵa lısenzııasy bar uıymynyń mámile jasaý jónindegi buıryqtaryn tapsyrý arqyly áreket jasaıtyn sol bir tulǵa baǵaly qaǵazdardy satýshy jáne satyp alýshy retinde bolatyn mámile;
3) baǵaly qaǵazdarmen jáne ózge de qarjy quraldarymen jaı, zańdy saldaryn týǵyzýǵa nıetisiz jasalǵan mámile ne birneshe mámile (jalǵan mámileler);
4) baǵaly qaǵazdarmen jáne ózge de qarjy quraldarymen basqa mámileni jasyrý maqsatynda jasalǵan mámile ne birneshe mámile (búrkeme mámileler).
7. Qor bırjasy 1 (bir) saýda kúni ishinde jasalǵan valıýtalyq jup AQSh dollarymen jáne teńgemen eki jáne odan kóp mámileler serııalaryna olar myna talaptarǵa sáıkes kelgen kezde monıtorıngti jáne taldaýdy júzege asyrady:
1) mámileler qor bırjasynyń saýda júıesine qarsy 2 (eki) jáne odan kóp ótinishti avtomatty túrde qanaǵattandyrýǵa alyp kelgen satyp alýǵa nemese satýǵa 1 (bir) ótinish berý nátıjesinde jasaldy, bul rette osyndaı mámilelerdiń bireýiniń baǵasy osyndaı ótinimdi bergenge deıin jasalǵan sońǵy mámile baǵasynan 10 (on) paıyzdan kópke shegeriledi;
2) oryndalýy árbir osyndaı mámile saýda-sattyqtyń 2 (eki) qatysýshysy qarsy ótinimder berý nátıjesinde jasalý talabymen osy mámilelerdiń taraptarda bar shetel valıýtasy sanynyń aıtarlyqtaı ózgerýine ákelmegen, 5 (bes) paıyzdan kóp emes jáne berý ýaqyty boıynsha 1 (bir) sekýndtan kóp emes kólemdegi aıyrma kóteriletin nemese tómendeıtin baǵa boıynsha mámile;
3) nátıjesinde saýda-sattyq qatysýshysynyń brýtto-aınalymy saýda kúniniń qorytyndysy boıynsha osy shetel valıýtasy boıynsha barlyq qatysýshynyń jalpy brýtto-aınalymnyń keminde 30 (otyz) paıyzdy quraıdy jáne atalǵan shetel valıýtasy boıynsha saýda-sattyq qatysýshysynyń brýtto-aınalymy men netto-aınalym arasyndaǵy aıyrma osy qatysýshynyń brýtto-aınalymynyń 70 (jetpis) jáne odan kóp paıyzyn quraıdy.
Osy tarmaqtyń maqsaty úshin:
shetel valıýtasy sanynyń aıtarlyqtaı ózgerýi mámilelerdiń taraptarynda turǵan shetel valıýtasynyń bastapqy sanynan 10 (on) jáne odan kóp paıyzǵa aıyrmashylyq tanylady;
brýtto-aınalym dep saýda-sattyq qatysýshysynyń satyp alý jáne satý kóleminiń shetel valıýtasymen kórsetilgen somasy túsiniledi;
netto-aınalym dep saýda-sattyq qatysýshysynyń satyp alý kólemi men satý kólemi arasyndaǵy saýda kúni ishinde shetel valıýtasymen belgilengen shetel valıýtasymen kórsetilgen aıyrmanyń absolıýttik máni túsiniledi;
kóteriletin baǵa boıynsha mámileler serııasy dep osy serııanyń aldyńǵy mámilesiniń árqaısysynyń baǵasynan joǵary mámileler túsiniledi.
tómendeıtin baǵa boıynsha mámileler serııasy dep osy serııanyń aldyńǵy mámilesiniń árqaısysynyń baǵasynan tómen mámileler túsiniledi.
Osy tarmaqtyń birinshi bóliginde kózdelgen monıtorıngke jáne taldaýǵa Qazaqstan Respýblıkasy Ulttyq Bankiniń mámileler jasaýǵa baılanysty is-áreketteri jatpaıdy.
8. Qor bırjasy aı saıyn esepti aıdan keıingi aıdyń 15 (on besinen) keshiktirmeı ýákiletti organǵa Qaǵıdalardyń 7-tarmaǵynyń talaptaryna sáıkes keletin mámilelerdiń taldaýyn usynady.
9. Qor bırjasynyń ishki qujattarynda Baǵaly qaǵazdar naryǵy týraly zańynyń 56-babynyń jáne Qaǵıdalardyń talaptaryna qarama-qaıshy kelmeıtin qosymsha talaptar kózdelýi múmkin, osyǵan sáıkes osy qor bırjasynyń saýda júıesinde jasalǵan mámileler uıymdastyrylǵan baǵaly qaǵazdar naryǵynda aıla-sharǵy jasaý maqsatynda jasalǵan baǵaly qaǵazdarmen jáne basqa da qarjy quraldarymen mámilelerdi anyqtaý úshin monıtorıngke jáne taldaýǵa jatady.
10. Qor bırjasynyń ishki qujattarynda Baǵaly qaǵazdar naryǵy týraly zańynyń 56-babynyń 5-tarmaǵynyń 1) tarmaqshasyna sáıkes keletin mámilelerge sáıkes qosymsha krıterııler belgilenedi, aıla-sharǵy jasaý maqsatynda jasalǵan baǵaly qaǵazdarmen jáne basqa da qarjy quraldarymen mámilelerdi anyqtaý úshin monıtorıngke jáne taldaýǵa jatatyn mámileler alyp tastalady.
11. Jasalý parametrleri men talaptary osy mámileler uıymdastyrylǵan jáne uıymdastyrylmaǵan baǵaly qaǵazdar naryqtarynda aıla-sharǵy jasaý maqsatynda jasalǵan dep boljaýǵa negizdeme beretin baǵaly qaǵazdarmen jáne basqa da qarjy quraldarymen jasalǵan mámilelerdi (budan ári - kúmándi mámileler) anyqtaýdy mynalar júzege asyrady:
1) qor bırjasy men baǵaly qaǵazdar naryǵynyń kásibı qatysýshylarynyń esepterinde, baǵaly qaǵazdar naryǵy sýbektileriniń, memlekettik organdardyń jáne ózge jeke jáne zańdy tulǵalardyń hattarynda (aryzdarynda, shaǵymdarynda, ótinishterinde) buqaralyq aqparat quraldaryndaǵy jarııalanymdarda bar aqparattyń negizinde, sondaı-aq baǵaly qaǵazdar naryǵy sýbektileriniń qyzmetin tekserý qorytyndysy boıynsha ýákiletti organ;
2) qor bırjasynyń saýda júıesinde baǵaly qaǵazdarmen jáne basqa da qarjy quraldarymen jasalatyn mámilelerdi qadaǵalaý jónindegi qyzmetti júzege asyratyn qor bırjasynyń qurylymdyq bólimshesi.
Aıla-sharǵy jasaý faktisin bolýy ne bolmaýyn rastaý maqsatynda ýákiletti organ baǵaly qaǵazdar naryǵynyń sýbektilerinen qajetti aqparatty suratady jáne (nemese) baǵaly qaǵazdar naryǵy sýbektilerin tekserýdi júzege asyrady jáne (nemese) kúmándi mámileler týraly aqparatty saraptama komıtetiniń (budan ári - saraptama komıteti) qaraýyna jiberedi.
12. Qor bırjasynyń saýda júıesinde jasalatyn mámilelerdi qadaǵalaý jónindegi qyzmetti júzege asyratyn qurylymdyq bólimshesi Qaǵıdalardyń 3-tarmaǵynda jáne qor bırjasynyń ishki qaǵıdalarynda belgilengen erejelerdi eskere otyryp, Qaǵıdalardyń 6-tarmaǵyna sáıkes keletin mámilelerdi, sondaı-aq osy mámilelerdiń uıymdastyrylǵan baǵaly qaǵazdar naryǵynda aıla-sharǵy jasaý maqsatynda jasaldy dep paıymdaýǵa negizder bolatyn ózge de mámilelerdi anyqtaǵan jaǵdaıda, osyndaı mámileler týraly esep jasalǵan kúni saraptama komıteti músheleriniń qaraýyna tapsyrylady.
13. Saraptama komıteti jeti adamnan qurylady jáne quramynda tóraǵa men alty múshesi bolady. Saraptama komıtetiniń tóraǵasyn qor bırjasynyń dırektorlar keńesi saraptama komıteti músheleriniń qatarynan saılaıdy.
Mynalar:
ýákiletti organnyń eki ókili, olardyń bireýi baǵaly qaǵazdar naryǵy sýbektilerin qadaǵalaýǵa baılanysty máseleleri jónindegi ókili jáne bireýi monetarlyq operasııalar máseleleri jónindegi ókili;
qor bırjasynyń baǵaly qaǵazdarmen saýda-sattyqty uıymdastyrý máselelerine jetekshilik etetin atqarýshy organynyń múshesi;
qor bırjasynyń dırektorlar keńesiniń eki múshesi;
qor bırjasynyń saýda júıesinde jasalatyn mámilelerin qadaǵalaý jónindegi qyzmetti júzege asyratyn qor bırjasynyń qurylymdyq bólimshesiniń basshysy;
«Qazaqstan qarjygerleriniń qaýymdastyǵy» zańdy tulǵalar birlestiginiń ókili Saraptama komıtetiniń músheleri bolyp tabylady.
Qor bırjasynyń baǵaly qaǵazdarmen saýda-sattyqty uıymdastyrý máselelerine jetekshilik etetin atqarýshy organynyń múshesi jáne qor bırjasynyń saýda júıesinde jasalatyn mámilelerdi qadaǵalaý jónindegi qyzmetti júzege asyratyn qor bırjasynyń qurylymdyq bólimshesiniń basshysy saraptama komıtetiniń tóraǵasy bolyp saılana almaıdy.
Saraptama komıtetiniń quramy qor bırjasynyń dırektorlar keńesiniń sheshimimen bekitiledi jáne ýákiletti organ kelisedi.
14. Saraptama komıtetiniń otyrystary qajettiligine qaraı ótkiziledi.
Qajet bolǵan jaǵdaıda, saraptama komıtetiniń otyrysyna qaralatyn kúmándi mámileniń taraptary bolyp tabylatyn uıymdardyń ókilderi, jáne (nemese) osy uıymdar mámile jasaý jónindegi buıryqtaryna sáıkes áreket etken olardyń klıentteri shaqyrylady.
15. Saraptama komıtetiniń sheshimi onyń músheleriniń jalpy sanynyń jaı kópshilik daýysymen qabyldanady jáne saraptama komıtetiniń qorytyndysy túrinde resimdeledi.
Qaralatyn kúdikti mámileniń taraptary bolyp tabylatyn uıymdarǵa, baǵaly qaǵazdyń nemese qaralatyn kúdikti mámileniń máni bolyp tabylatyn baǵaly qaǵazdyń bazalyq aktıviniń emıtentine qatysty úlestes saraptama komıtetiniń músheleri daýys berýge qatyspaıdy.
16. Saraptama komıtetiniń qorytyndysy onyń kúdikti mámileler baǵaly qaǵazdar naryǵynda aıla-sharǵy jasaý maqsatynda jasalǵan dep joramaldaýyna qajetti jáne jetkilikti negizderdiń bolýyna qatysty pikiriniń kórinisi bolyp tabylady.
Saraptama komıtetiniń qorytyndysyna saraptama komıteti tóraǵasynyń qoly qoıylady jáne qor bırjasy kúdikti mámile anyqtalǵan kúnnen bastap 15 (on bes) jumys kúninen keshiktirmeı ony ýákiletti organǵa jiberedi.
Saraptama komıtetiniń qorytyndysynda bar aqparatqa baǵaly qaǵazdar naryǵyndaǵy kommersııalyq qupııadan turatyn aqparat kirmeıdi
17. Saraptama komıtetiniń músheleri saraptama komıtetiniń jumysyna qatysý barysynda alǵan aqparattyń, onyń ishinde kommersııalyq jáne Qazaqstan Respýblıkasynyń zańnamasyna sáıkes zańmen qorǵalatyn ózge de qupııa aqparattyń konfıdensıaldylyǵyn qamtamasyz etedi.
18. Osy Qaǵıdalarda rettelmegen máseleler boıynsha saraptama komıtetiniń jumys tártibi qor bırjasynyń ishki qujattarymen aıqyndalady.
19. Uıymdastyrylǵan baǵaly qaǵazdar naryǵynda baǵaly qaǵazdarmen jáne basqa da qarjy quraldarymen jasalǵan mámileni baǵaly qaǵazdar naryǵynda aıla-sharǵy jasaý maqsatynda jasalǵan dep taný ýákiletti organ saraptama komıtetiniń qorytyndysyn qaraý nátıjeleri boıynsha júzege asyrady jáne ýákiletti organnyń birinshi basshysynyń nemese onyń orynbasarynyń buıryǵymen resimdeledi.
20. Uıymdastyrylmaǵan baǵaly qaǵazdar naryǵynda baǵaly qaǵazdarmen jáne basqa da qarjy quraldarymen jasalǵan mámileni baǵaly qaǵazdar naryǵynda aıla-sharǵy jasaý maqsatynda jasalǵan dep taný ýákiletti organ:
1) saraptama komıtetiniń pikirin qaraý (bar bolsa – uıymdastyrylmaǵan baǵaly qaǵazdar naryǵynda jasalǵan mámile týraly aqparat saraptama komıtetiniń qaraýyna jiberilgen jaǵdaıda);
2) baǵaly qaǵazdar naryǵynyń kásibı qatysýshylarynyń esepterindegi, baǵaly qaǵazdar naryǵy sýbektileriniń, memlekettik organdardyń nemese jeke jáne zańdy tulǵalardyń hattaryndaǵy (aryzdaryndaǵy, shaǵymdaryndaǵy, ótinishterindegi), buqaralyq aqparat quraldarynyń jarııalanymdaryndaǵy aqparatty qaraý qorytyndylary boıynsha, sondaı-aq baǵaly qaǵazdar naryǵy sýbektileriniń qyzmetin tekserý nátıjeleri boıynsha júzege asyrady.
21. Uıymdastyrylmaǵan baǵaly qaǵazdar naryǵynda baǵaly qaǵazdarmen jáne basqa da qarjy quraldarymen jasalǵan mámileni baǵaly qaǵazdar naryǵynda aıla-sharǵy jasaý maqsatynda jasalǵan dep taný týraly sheshim ýákiletti organnyń birinshi basshysynyń nemese onyń orynbasarynyń buıryǵymen resimdeledi.
22. Ýákiletti organ baǵaly qaǵazdar naryǵynda aıla-sharǵy jasaý maqsatynda jasalǵan dep tanylǵan baǵaly qaǵazdarmen jáne basqa da qarjy quraldarymen jasalǵan mámileniń taraptaryn osyndaı taný týraly Qaǵıdalardyń 19 jáne 21-tarmaqtarynda kórsetilgen buıryqqa qol qoıylǵan kúnnen bastap 10 (on) jumys kúni ishinde jazbasha habardar etedi.
Qaýly Qazaqstan Respýblıkasynyń Ádilet mınıstrliginde 2016 jylǵy 29 aqpanda Normatıvtik quqyqtyq kesimderdi memlekettik tirkeýdiń tizilimine №13333 bolyp engizildi.